بسبب أزمة فستان رانيا يوسف.. سما المصري تهاجم “ميدو”

نورهان عمروآخر تحديث : الإثنين 3 ديسمبر 2018 - 11:22 مساءً
بسبب أزمة فستان رانيا يوسف.. سما المصري تهاجم “ميدو”
70 عدد المشاهدات

علقت الفنانة سما المصري على كلام أحمد حسام ميدو، بشأن أزمة رانيا يوسف الأخير بعد الفستان التي ظهرت به في مهرجان القاهرة.

وقال أحمد حسام ميدو لاعب كرة القدم سابقا، تعليقًا على الهجوم الذى واجه الفنانة رانيا يوسف قائلا: “انتو مال ابوكو”، لترد سما المصري عليه عبر موقع التواصل الاجتماعي “انستجرام”: لا لا لا حاسب بس.. احترم نفسك في الكلام معانا أومال.. أنا واحدة بانتقدها يبقى مال أبويا؟ أنا حرة انتقدها بمزاجى طب ما في ناس بتتنقدنى أطلع أقولهم مال أبوكم ؟.

وواصلت “سما” ردها على “ميدو”: كل واحد له حق النقد طالما مابيجرحش في حد، هندبح الناس ونجيب سيرة أبوهم وأمهم علشان بينتقدونا، هتجيب سيرة الأب والأم هنجيب سيرة أبوك وأمك دا لو أنت قلت كده بجد، وبعدين بتقول اللى بينتقدها يتمنى يبوس رجليها، ليه يا حبيبي، أنا بانقدها أهو بس ماعرفش بوس الرجلين، في ناس تانية اللى تعرفه، ولو مفيش نقد ولا محاسبة لحد كلنا نمشي وهو بيكلم المصريين خلو عندكم دم شوية.

وتابعت”المصري”: بلاش التعالى ع الناس دا، لبس زفت قلنا لبسها وحش، ما كفرناش يعنى بتدخل الأب والأم في الموضوع ليه، عيب على اسمك وتاريخك تتكلم كده مع الناس، أنت بتكلم بنى آدمين زيهم، أنت مش أحسن منهم، ولا على رأسك ريشة.

رابط مختصر
2018-12-03
نورهان عمرو