كتير سمعنا وشوفنا تكريمات لاشخاص من هيئات واطلقوا عليهم سفير السلام او سفير النوايا الحسنه واستمر الحال كتير جدا بيصدروا فكرة السلام .
بس هل حد عمل بيه ؟
طب هل السلام انتشر ؟
طب السلام هينتشر ازاي من غير اخلاق ؟
طب هل ينفع سلام من غير انسانية ؟
هل ينفع سلام من غير سعادة ؟
مجتمعنا ومجتمعات كتير من الدول الاخلاق اتغيرت فيها والقيم ومفهوم الصح والغلط اختلف . طب لما القيم اتغيرت ازاي هنحكم على الامور ونوازنها علشان ننشر السلام في العالم ؟
السلام قائم على انتشار العدالة ، طب لما احنا مش عارفين الصح من الغلط هنقيم العدالة ازاي؟ وهننشر السلام على اي اساس ؟
اغلبنا عايش في حاله من اليأس والحزن طب ما تجرب تنشر السعادة بين الناس . جرب تعمل حاجه تسعد بيها حد يأس .
اعمل حاجه تجبر بيها قلب حزين .
اخلق حاله مختلفه وجديدة في مجتمعك .
علم غيرك قيم الاخلاق الحميدة .
الاخلاق اهم من السلام ، بوجود الاخلاق هتنتشر كل القيم الجميله .
بوجود الاخلاق هيعيش الجميع في سعادة .
بوجود الاخلاق تعود الانسانية .
بوجود الاخلاق يعم السلام. الاخلاق اهم . انشروا الاخلاق وكونو سفراء للسعادة .