علق الرئيس عبد الفتاح السيسي، على حجم النكات التي تعرض لها بعد تطرقه خلال الأيام الماضية لأزمة السمنة التي كشف عنها المسح الطبي الأخير ضمن حملة 100 مليون صحة، قائلا “حجم النكت اللي طلع على موضوع السمنة مش طبيعي وفوق الخيال، ومعرفش المصريين هيطلعوا نكت إيه النهاردة”.
وأضاف ضاحكًا خلال كلمته في فعاليات افتتاح مشروع “بشائر الخير 2″، اليوم الأربعاء: “بقول للمصريين نكتوا على مهلكم شوية عليا”.
وقال “الناس بتقول إنت بتعايرنا، هعاير أهلي المصريين دول أهلي، بس مش هفضل أتفرج عليهم وأسكت، ولا ننزل المدارس وأعذب نفسي أنا والمسؤولين عشان أطمن على ولادي بياكلوا إيه”.