ذاكرة القادة نيوز

كتبت/ منال فنحي وحش الشاشة فريد شوقي متحدثاً عن شرير السينما محمود المليجي قال : كان النجم الوحيد اللى عمل ٧٥٠ فيلم فكان بيشتغل فى الشهر أربع خمس أفلام فكان لما يضيق عليه الخناق المنتجين والمخرجين طالبينه كان دايماً يرشحني للأدوار الفائضة منه يعنى يقولهم فى ولد جديد طالع أسمه فريد شوقى أبن حلال ورخيص وكويس هيأدى اللى أنتوا عاوزينه وأشتغلت معاه كتير أوى لغايه 1952 وأرت أن أغير دفه حياتى وبدءت أنتج من فيلم الأسطر حسن ومافيش فيلم أنتجته وإذا كنت أنتجت 35 فيلم إلى الآن فيمكن محمود المليجي مشترك معايا فى 25 فيلم منهم ليه ؟؟ لأن الموزع السينمائى زمان أو شباك التذاكر يتطلب فى الفيلم وجود فريد شوقى ومحمود المليجى يمكن مكنوش بيسألوا مين البطله معانا كنت أنا وهو دايماً بنكمل بعض فى جميع أفلامنا وأفلامنا لاقت نجاح كبير سواء فنى وتجارى ومادى وأشتهرنا مع بعض وكنا ملازمين لبعض مدى الحياة إلا أن محمود المليجى كان منطوى على نفسه وكان خجول هذا العملاق اللى كنا بنشوفه جبار فى الشاشه كان خجول ومهذب جداً المليجى لما عمل فيلم الأرض وشبع فيه تمثيل لذلك كتب عنه فى جرايد العالم قالوا فيه فنان فى مصر أسمه محمود المليجى أثبت وجوده وقف قدام أى ممثل أمريكى أو إنجليزى وكان فخر محمود المليجى لا يعوض .. زمن الفن الجميل...