سأل الرئيس عبدالفتاح السيسي، اللواء محمد عبد الحي، رئيس مجلس إدارة الشركة الوطنية للزراعات المحمية، خلال حديثه في حفل افتتاح 1300 من الصوب الزراعية بقاعدة محمد نجيب العسكرية، قائلًا:”محمد يا عبدالحي، انت بتقبض كام؟”.
ورد اللواء قائلًا:”بقبض 14200 يا فندم”
“السيسي”:”بيكفوك يا محمد.. انت ساكن فين ؟”، فأجاب: “أيوة يا فندم.. منطقة تبعد 40 كيلو يا فندم”.
واستكمل “السيسي حديثه قائًلا:”سألت محمد مرة انت ساكن فين قالي مكان سكنه يبعد عن شغله 40 كيلو رايح و40 كيلو جاي، قولت له بنزين العربية كام، شوف لك سكن قريب يا محمد، قالي يا فندم معنديش غير الشقة اللي انا قاعد فيها، قلت له بيعها وابقى كمل، لكن هيجي حد يقولي يا أخي ما تدي له شقة قريبة من الشقق اللي عندكوا، أنا بقول للناس اوعوا تكونوا فاكرين الكلام ده معناه أن حد ياخد ويحط في جيبه، لا والله، من أول أنا لغاية أي حد واللي يعمل كدة مالوش مكان بينا”.
وأضاف “السيسي”: “انتو عارفين محمد عبدالحي لو غمض عنيه في مشروع زي ده يعمل له كل يوم حوالي 10 أو 12 مليون جنيه، احنا بنتكلم على عشرات ومئات المليارات في هذه المشروعات”.
وتابع “السيسي” حديثه:”بقول الكلام ده لمحمد أرجو ألا يكون قد تألم منه، أنا حبيت اقول لكوا مش معنى أن الناس دول بتعمل ده زي ناس تانية بتاخد مئات الآلاف، لا، ده آخر رضا”.
وسأل “السيسي” اللواء محمد عبدالحي، مازحًا:”مبسوط ؟ الـ14 ألف و200 جنيه بيكفوك ؟”.
يُذكر أن السيسي يفتتح الآن مشروع 1300 صوبة زراعية بقاعدة محمد نجيب العسكرية في حضور عدد من الوزراء والقادة العسكريين ومسؤولي الدولة.
