كتب الدكتور/ حامد أبو عيسى
استشاري جراحة الغدد والاورام والمناظير
محافظة الاسكندرية
الغدة الدرقية هي المتحكم الرئيسي في طاقة جسمك، لكن لما المناعة تبدأ تهاجمها بدل ما تحميها، بتبدأ المشاكل.
مرض هاشيموتو هو مرض مناعي بيخلي جهازك المناعي يعتبر الغدة الدرقية جسم غريب، ويهاجمها، وده مع الوقت بيأثر على قدرتها في إنتاج الهرمونات، وبيسبب خمول في وظائف الجسم.
المشكلة إن الأعراض بتظهر تدريجيًا وناس كتير بتلخبط بينها وبين إرهاق الحياة اليومية، زي التعب المستمر، زيادة الوزن بدون سبب، تساقط الشعر، الإحساس بالبرد حتى لو الجو دافي، انتفاخ الوجه، تقلبات المزاج، والاكتئاب. ولو الحالة فضلت من غير تشخيص، ممكن الغدة تتدمر تدريجيًا، وده بيأثر على الجسم كله.
لازم التشخيص المبكر من خلال تحليل وظائف الغدة الدرقية والأجسام المضادة لتحديد الحالة و العلاج المناسب اللي بيساعدك تتحكم في الأعراض وتحافظ على نشاطك.
صحتك تستاهل الاهتمام
