كتب / مصطفي عبدالنصير
– استشاري الكلي و الغدد الصماء و السكر بالمركز الطبي العالمي
– استاذ م. أمراض الباطنة و الكلي بكلية الطب جامعة عين شمس
– دكتوراه الباطنة العامة
🔷️إيه هو فرط نشاط الغدة الدرقية؟
الغدة الدرقية دي غدة صغيرة على شكل فراشة في رقبتك، لكنها مسؤولة عن حاجات كتير في جسمك، زي تنظيم عملية الأيض (الحرق) والطاقة. لما الغدة تشتغل أكتر من اللازم، بتفرز هرمونات زيادة، وده بيعمل لخبطة في الجسم، وبيسمى فرط نشاط الغدة الدرقية.
🔷️أسباب فرط نشاط الغدة الدرقية؟
▫️مرض جريفز (وهو اضطراب مناعي بيخلي الجسم يهاجم الغدة).
▫️ وجود أورام أو عقيدات في الغدة بتخليها تفرز هرمونات زيادة.
▫️ تناول اليود بكميات كبيرة.
🔷️أعراض فرط نشاط الغدة الدرقية؟
▫️ توتر وعصبية بدون سبب
▫️ ضربات قلب سريعة وغير منتظمة
▫️ تعرق كتير وإحساس بالسخونة
▫️ فقدان الوزن رغم الأكل كويس
▫️ أرق وإرهاق مستمر
▫️ رعشة في الإيدين وضعف في العضلات
🔷️ لابد من متابعة مستمرة بالتحاليل ومراجعة طبيبك
