كتب دكتور/ أسامة يعقوب محمد
🔹 استشاري ومدرس أمراض المخ والأعصاب
🔹 كلية طب قصر العيني – جامعة القاهرة
🔹 دكتوراة الأمراض العصبية – جامعة القاهرة
🔹 ماجستير الأمراض العصبية والنفسية – جامعة القاهرة
كتير مننا سمع عن مرض التصلب المتعدد وممكن يعرف حد مصاب بيه … بس مش بنكون عارفين اية هو ؟؟!
“هو مرض نتيجة خلل فى جهاز المناعه الجسم يهاجم” المايلين” المسئول عن سرعة انتقال الإشارة العصبية من المخ للأطراف”
والـ بينتج عنها أعراض منها:
مشاكل الرؤيه زى:
-رؤيه ضبابية
-رؤيه مزدوجه
-فقدان جزئي او كلي للرؤية
المشية الغير متوازنة
✳️الدوار والإرهاق
✳️مشاكل فى المثانة
✳️حدوث ضعف بنصف الجسم
✳️أعراض مشابه بالصدمة الكهربائيه عند الانحناء المفاجئ للرقبة للأمام
✳️تنميل او ضعف فى أحد الأطراف او اكثر ويحدث عادة على جانب واحد أو الساقين أو الجذع
التشخيص بقى أسرع فى الوقت الحالي عن طريق فحوصات تحت أشراف طبيب المخ والأعصاب
زي *الرنين مغناطيسي على المخ والنخاع الشوكي
*تحليل سائل النخاع الشوكي للتأكد من وجود أجسام مناعية
*تحاليل مناعية اخرى لاستبعاد الاسباب الي تسبب نفس الاعراض ودا مهم جدا
وطبعا اهم حاجة الفحص الاكلينيكي للمريض وشكوى المريض والتاريخ المرضي
عند التأكد من وجود مرض MS
ضروري بداء العلاج مباشرة من خلال نظام دوائي وقائي للسيطرة على الهجمات والنوبات
لا يوجد فى اللحظة الحالية دواء للشفاء التام للمرض لأنه يعتبر مرض مزمن مثل السكر والضغط
العلاج بياخد فترة كبيرة ولكن هتعيش بأمان تام لو اتبعت العلاج الوقائي والمتابعة ان شاء الله
الهدف من العلاج تقليل النوبات والهجمات ومنع تدهور المرض واستقرار الحالة .
عشان كدة مهم جدا مراجعة طبيب امراض المخ والاعصاب عند الشعور بأي من هذه الاعراض..
