كتبت/ منال فتحي
ربع كيلو من الجزر يوميا تفعل فى جسمك العجايب
مع بعض الربع كيلو من الجزر ماهى الفايدة المتوقعة ؟
السعرات الحرارية ١٠٥ سعر حرارى
بيديك ٢٦٪ من الألياف اللى جسمك وقولونك محتاجها
و ١٧٪ من إحتياجك للبوتاسيوم مهم جدا لصحة القلب والشرايين .
و١٧٪ من إحتياجاتك من فيتامين سى مهم جدا للمناعة و بناء المفاصل و الأنسجة زى نسيج اللثة . تأكل نسيج اللثة نقص فى فيتامين سى .
مؤشره لسحب الأحماض المؤذيه للكلى سالب ١٥ عشان بس تفهم الرقم اد ايه عظيم الصمغ العربى المشهور لدعم الكلى سالب ٢ ونص بس فهو من الأغذية العظيمة جدا لدعم الكلى وبالتالى تخفيض ضغط الدم العالى و علاج الأنيميا . بيسحب الإلتهاب من جسمك بقيمة ١٣٢٦٢ اه زى ماشفت كده ١٣ الف ودا رقم عظيم جدا يعنى عندى إلتهاب مفاصل إلتهاب كبدى إلتهاب كلوى الجزر رائع في سحب الإلتهاب من الجسم والتخلص منه .
هذا العظيم نعمة الله فى الأرض محتواه من البيتاكاروتين فيتامين ألف النباتى ٢٤٠٪
بعض الدراسات بتقول أيه عن فيتامين أ….
١- واحد من أهم أدوية العين على الإطلاق و الحفاظ عليها من الضمور نتيجة كبر السن أتفقنا ان بعد سن الاربعين بيكون فيه ضعف الأنسجة المختلفة للجسم الجزر متخصص فى الحفاظ على صحة العين ومنع تنكسها و كلنا حافظين من وإحنا صغيرين ان الجزر بيقوى النظر و دى حقيقة علمية لا جدال فيها فلو بتعانى من ضعف الرؤية أو ميه بيضا أو زيادة ضغط العين خلى الجزر صديقك الصدوق فى رحلة علاجك لن يخذلك .
٢- أربع دراسات مفصلة إن البيتاكاروتين النباتى مهم جدا جدا فى رحلة علاج مقاومة الإنسولين من أول السمنة للسكر للضغط للإرهاق والضعف العام وكذلك ضمور العضلات مع كبر السن و تهدلهم .
٣- دراستين مفصلين عن دور البيتاكاروتين لعلاج الشلل الرعاش ضيفهم على قائمة الأدوية الطبيعية للشلل الرعاش مثل العرقسوس والروزمارى والخردل وأخيرا ملك ملوك علاج الرعشة الفول .
٤- اللى بياكل جزر 🥕 عمره ماينكسر دا اللى الدراسات أكدته تفصيليا إن البيتاكاروتين مهم جدا للحفاظ على عضمك قوى ومتين وبعيد عن الليونة والهشاشة بالمناسبة لا أعلم شئ أخطر من ضعف العظام للمرضى الكبار فى السن ياما يحصل إن أحدهم إتزحلق فى الحمام و انكسر ولم يلتئم الكسر حافظ على عضمك ومفاصلك وحافظ على تناول الجزر .
٥- البيتاكاروتين مهمة جدا جدا للحفاظ على المرئ والمعدة دائما كنا نوصى مرضى الإرتجاع المزمن و قرحة المعدة كل جزر مع الكرنب إنتهت مشاكل المعدة نهائيا .
