الفنانة نعمت مختار من الأسماء اللي تستحق كل احترام وتقدير. فنانة متعددة المواهب.. مثلت، غنّت، ورقصت، وقدرت تسيب بصمة واضحة من الخمسينات لحد منتصف السبعينات.
اسمها الحقيقي نعيمة عبده محمد، مولودة في 16 نوفمبر 1932 في الإسكندرية، ولسه عايشة لحد النهارده والحمد لله، وعندها 90 سنة. ربنا يديها الصحة.
شاركت في 43 عمل فني، منهم 4 مسلسلات و29 فيلم.
أول أفلامها كان فتاة السيرك سنة 1951، وآخرهم سنة 1973 وكان من إنتاجها:
المرأة التي غلبت الشيطان مع نور الشريف وشمس البارودي.
وبعدها بسنة شاركت في مسلسل القضبان مع محمود المليجي وعبد الله غيث.
بعد المشوار ده كله، قررت تعتزل الرقص والتمثيل سنة 1974، وقالت في حوار مع مجلة “الموعد” اللبنانية إن الاعتزال رجّع لها حياتها الحقيقية، وإنها عاشت “أجمل أيام حياتها مع ربنا”.
ومن وقتها اختفت تقريبًا، وقلّ ظهورها جدًا.
ناس كتير متعرفش ان نعمت مختار تبرعت ببناء مسجد بالكامل من مالها الخاص…
ومازالت عايشة لحد دلوقتي وعندها 90 سنة.
فنانة كبيرة، وامرأة تستحق كل التقدير والدعاء
