هرد بس علي نقطة “تردي اوضاع الشعب المعيشيه” اللي ذكرها الفريق #سامي_عنان اللى المفروض انه من المؤسسة العسكرية. في خطابه بصفتي واحد من الشعب المصري اللي سامي عنان وصف أحواله بأنها مترديه أقول:-
• الشعب المصري اللي أنت وصفت أحواله بانها مترديه تم علاج مليون ونص مواطن منه من فيروس سي واللي كانوا بيموتوا قبل كده بسبب تكلفة علاجه اللي كانت بتتكلف اكتر من 100 الف جنيه .
• الشعب المصري اللي وصفت أحواله بالمترديه نسبه كبيره منه اتنقل في مساكن آدميه محترمه بعد ماكان عايش في العشوائيات .
• الشعب المصري اللي انت بتوصف أحواله بالمترديه عايش في في أمان مفيش طيارات بتهد بيته في غاره ولا بيقابل كمين عاملينه الأرهابيين في الطريق وبينزل يروح شغله وولاده بيروحوا مدارسهم ونساءه محدش بيتعرضلهم ولابيبيعهم في سوق نخاسه .
• الشعب المصري اللي أنت وصفت احواله بالمترديه عايش في بيته مع ولاده مطمن مش مرمي في مخيمات علي الحدود في عز البرد .
• الشعب المصري اللي وصفت أحواله بالمترديه بياكل في اليوم الواحد مايعادل ميزانية دوله من الدول اللي فرحانين بيك دلوقتي وبخطابك اللي بتهاجم فيه بلدك .
• الشعب المصري اللي وصفت أحواله بالمترديه مفيش موظف فيه راح يقبض مرتبه أخر الشهر ومالقهوش .
• الشعب المصري اللي انت وصفت أحواله بالمترديه بيشتري رغيف العيش بخمس قروش يعني مستحيل حد فيه يجوع .
• الشعب المصري اللي انت وصفت أحواله بالمترديه ممكن يتفسح هو وولاده في بلده من غير مايتكلف ولا مليم لو نزلوا قعدوا علي النيل او في اي مكان جميل في بلدهم وبيروحوا مبسوطين وفي امان .
• الشعب المصري اللي أنت وصفت أحوله بالمترديه نصيبه من الدعم ارتفع من 20 جنيه ل50 جنيه .
• الشعب المصري اللي أنت وصفت أحوله بالمترديه بيتعمل علشانه مشاريع قوميه عملاقه علشان مستقبل ولاده .
• الشعب المصري اللي أنت وصفت أحوله بالمترديه اتعمل علشانه تأمين صحي شامل لكل المواطنين وده كان حلم بيحلم بيه اي مواطن مصري وابتدي يتحقق.
• وأخر حاجه الشعب المصري اللي انت وصفت أحواله بالمترديه مش محتاجك أنت أو غيرك تتكلم عنه علشان هو بقي فاهم أوي مين اللي قلبه عليه
ومين اللي بيستغله ويتاجر بيه.
#مصر_في_امان_مع_السيسي
#السيسي_2018
