قام أحد السكان بتحذير سكان مدينة العبور بأن يوجد شخص محتال يتواجد بإستمرار على أحد جانبي الطريق ( بالحى التاسع ) أمام التوحيد والنور ويحاول إيقاف السيارات الملاكى .
ويطلب توصيله لأقرب مكان ثم يبدأ في سرد قصة مأسوية من إنتاجه وإخراجه حكاية من وحي خيالة ليجذب المستمع له وانه ضحية ولكن المستمع هو الضحية بحيث أنه يأخذ أي مبلغ منه ..
وروى أحد ضحايا هذا النصاب من مدينة العبور، في منشور له على موقع التواصل الاجتماعي «فيسبوك»، كيف تم النصب عليه قائلًا: « هذا الشخص محتال ونصاب ومبدع في تمثيل أدوار مختلفة لاستغلال طيبة الناس وتعاطفهم والنصب عليهم، أنا تم النصب عليا بنفس الطريق واكتشفت أن أغلب أصدقائي تم النصب عليهم بنفس الطريقه يشاورلك عشان يركب معاك وهو علشان كبير في السن بيصعب علينا».
وأضاف: «يحكي حكاية تقشعر لها الأبدان وبعد ما ياخد الفلوس منك يقلك نزلني هنا ويقف يشاور لحد تاني ويعمل نفس الدور، من أسبوع قابلتة في التاسع أمام التوحيد والنور وكان في كمين هناك رحت للظابط المحترم اللي واقف في الكمين وقلتله على الراجل والراجل كان واقف بيشاور لحد يركبه الظابط قال “وأنا مالي اعمله ايه”، قلت له بقول لحضرتك ده نصاب، قال “هبقى أشوفه بعدين”، طبعا الراجل ركب عربية ومشي وأنا استحقرت الظابط وطبعا سبته ومشيت وندمت لأني ماصورتش الراجل ولان ربنا عايز يظهر الحق للناس الغلابة».
وتابع: « النهارده الصبح أنا رايح الشغل لقيت الراجل بيشاورلي طبعا وقفت وصورته وكان لازم اعمل شير علشان الناس تعرف وياريت حضراتكم كمان تعملو شير علشان الناس تعرف، ولو حد حصل معاه موقف ياريت يقوله ويحكي اللي حصله».
الموضوع هذا تقدمة القادة نيوز حتى لا يقع اي شخص وليس فقط في منطقة سكان مدينة العبور بل فى مصر كلها يتكرر هذا الموضوع وسرد القصص والحكايات لكم كل الاحترام والتقدير يرجى الإنتباه
